Општи информации

Информативните канцеларии на Советот на Европа се основани со одлука на Комитетот на министри на барање на Владите. Нивна задача е да распространуваат информации за Советот на Европа, неговите активности и стандарди и да ги поддржуваат и промовираат иницијативите на организацијата во засегнатите држави. Информативната канцеларија на Советот на Европа во Скопје беше отворена на 7 април 1997 година.

Мисија

• Помош на поединци, невладини организации и политички институции да стапат во контакт со Советот на Европа или да дојдат до информации за активностите на организацијата;
• Директен придонес во спроведувањето на информативната стратегија на Советот на Европа;
• Превод, печатење и распространување на текстови на Советот на Европа и други релевантни документи од посебно значење, подготовка на нови публикации, развивање и одржување на веб страница;
• Организирање и учество во национални настани од европски интерес во име на Секретаријатот на Советот на Европа;
• Придонес и поддршка во спроведувањето на програмите за соработка и други проекти на Советот на Европа во земјите домаќини.

Библиотека

Канцеларијата поседува импресивна колекција на публикации и документи подготвени од Советот на Европа, кои им се на располагање на сите посетители.
Колекцијата на Информативната канцеларија содржи бројни документи и публикации, вклучувајќи и периодични изданија. Обновувањето со нови публикации и документи се врши на четири месеци. Посетителите истовремено можат да ги консултираат публикациите, аудио-визуелните материјали, календари на настани на Советот на Европа, записници од сесии и соопштенија за јавноста. Повеќето од публикациите се на англиски или француски јазик, официјалните јазици на Советот на Европа.
Покрај постојаната колекција, Информативната канцеларија нуди различни информативни брошури на Советот на Европа, кои посетителите можат да ги подигнат.

TREATIES
Latest signatures and ratifications